„Inspiratioun ass dat dommst Véi op der Welt. Et weess ni, wéini et do ze sinn huet, wéi laang et bleiwe sollt a wéi vill Stécker Gold an senger Mëscht ze fanne solle sinn. Dat Schlëmmst ass, datt een am Ufank mengt, dat Béischt hätt engem e Koup aus purem Gold dohinner geluecht. Mee dat ass net de Fall. Dat meescht verwandelt sech am Laf vum Dag zu Schäiss, ma déi eng oder aner Iddi war et dann awer derwäert, fir mat bloussen Hänn sech derduerch gewullt ze hunn. Schreiwen ass näischt fir zëmperlech Gesellen!“

De Gérard Thill, en erfolleglose Schrëftsteller, gëtt gewuer, datt en net méi fir laang huet. Fir op d’mannst op eng Aart onstierflech ze ginn, probéiert en nach séier e lescht gutt Buch ze schreiwen - a riskéiert dobäi alles ze verléieren!

Ähnlech Produkter